कोल्हापूरचे प्रश्न सोडवण्यासाठी शिवसेनेचा खासदार हवा

0

कोल्हापूर :

कोल्हापुरात आयटी, उद्योगधंदे आणणे, पंचगंगा प्रदूषणमुक्ती या प्रमुख प्रश्नांसह केंद्रातील सत्तेकडून प्रश्न सोडवण्यासाठी एनडीएची देशात सत्ता आणावी लागणार आहे. त्यासाठी युवकांनी शिवसेनेचा खासदार निवडावा,’ असे आवाहन शिवसेना युवा सेना प्रमुख अदित्य ठाकरे यांनी केले. पेटाळा येथे ‘अदित्य संवाद’ कार्यक्रमात त्यांनी युवक, युवती, महिलांशी संवाद साधताना राष्ट्रीय स्तरावरील प्रश्नाबरोबर स्थानिक प्रश्नावर चर्चा केली.
अदित्य संवाद उपक्रमाची संकल्पना स्पष्ट करत अदित्य ठाकरे यांनी तरुणाईच्या प्रश्नांना उत्तरे देत संवाद साधला. रोहन घोरपडे यांनी शिवसेनेचा खासदार कोल्हापूरचे प्रश्न कोणत्या पद्धतीने सोडवेल, असा प्रश्न केला. त्यावर अदित्य ठाकरे म्हणाले, ‘२०१४ मध्ये एनडीएचे सरकार असताना विरोधी पक्षातील खासदार होते. कोणत्याही शहराचे प्रश्न सोडवताना सरकार भेदभाव करत नाही. पण शिवसेनेचा खासदार असता तर प्रश्न सोडवण्यासाठी गती आली असती. विमानतळावर नाईट लँडिंगची सोय झाली तर कोल्हापूर शहर अन्य शहराशी जोडले जाईल. त्यातून आयटी व उद्योगधंदे कोल्हापूरात आले असते. हे प्रश्न सोडवण्यासाठी शिवसेना खासदाराची गरज आहे. काश्मीरचे ३७० कलम रद्द करण्याला काँग्रेसचा विरोध आहे. देशद्रोही कायदा रद्द करण्याची काँग्रेसची भूमिका आहे. त्यामुळे देशाचे वाटोळे व्हायला वेळ लागणार नाही. त्यासाठी तरुणाईने एनडीएला मतदान करावे.’
‘कोल्हापुरात आयटी, उद्योगधंदे आणणे, पंचगंगा प्रदूषणमुक्ती या प्रमुख प्रश्नांसह केंद्रातील सत्तेकडून प्रश्न सोडवण्यासाठी एनडीएची देशात सत्ता आणावी लागणार आहे. त्यासाठी युवकांनी शिवसेनेचा खासदार निवडावा,’ असे आवाहन शिवसेना युवा सेना प्रमुख अदित्य ठाकरे यांनी केले. पेटाळा येथे ‘अदित्य संवाद’ कार्यक्रमात त्यांनी युवक, युवती, महिलांशी संवाद साधताना राष्ट्रीय स्तरावरील प्रश्नाबरोबर स्थानिक प्रश्नावर चर्चा केली.

अदित्य संवाद उपक्रमाची संकल्पना स्पष्ट करत अदित्य ठाकरे यांनी तरुणाईच्या प्रश्नांना उत्तरे देत संवाद साधला. रोहन घोरपडे यांनी शिवसेनेचा खासदार कोल्हापूरचे प्रश्न कोणत्या पद्धतीने सोडवेल, असा प्रश्न केला. त्यावर अदित्य ठाकरे म्हणाले, ‘२०१४ मध्ये एनडीएचे सरकार असताना विरोधी पक्षातील खासदार होते. कोणत्याही शहराचे प्रश्न सोडवताना सरकार भेदभाव करत नाही. पण शिवसेनेचा खासदार असता तर प्रश्न सोडवण्यासाठी गती आली असती. विमानतळावर नाईट लँडिंगची सोय झाली तर कोल्हापूर शहर अन्य शहराशी जोडले जाईल. त्यातून आयटी व उद्योगधंदे कोल्हापूरात आले असते. हे प्रश्न सोडवण्यासाठी शिवसेना खासदाराची गरज आहे. काश्मीरचे ३७० कलम रद्द करण्याला काँग्रेसचा विरोध आहे. देशद्रोही कायदा रद्द करण्याची काँग्रेसची भूमिका आहे. त्यामुळे देशाचे वाटोळे व्हायला वेळ लागणार नाही. त्यासाठी तरुणाईने एनडीएला मतदान करावे.’

राधिका जाधवने कोल्हापुरात शिक्षण घेतल्यानंतर तरुणांना मुंबई, पुणे बेंगळूरूला करिअर करण्यासाठी जावे लागते, याकडे लक्ष वेधले. त्यावर ठाकरे म्हणाले, ‘विमानतळ, राष्ट्रीय महामार्गाची उभारणी करुन जिल्ह्यात कृषीपूरक व्यवसायांना चालना दिली पाहिजे. तसेच आयटी, नवीन उद्योगधंदे आणण्यासाठी शिवसेना प्राधान्य देईल. उद्योगधंदे व व्यवसायाची गरज लक्षात घेऊन शिक्षण पद्धती बदलण्यावर आमचा भर आहे. शिवसेनेचे युवतीबाबत कोणते धोरण असेल असा प्रश्न सलोनी शिंत्रेनी उपस्थित केला. ठाकरे म्हणाले, मुलींना समानतेची वागणूक देण्यासाठी इयत्ता चौथीपासून मुले व मुलींना बॅड टच, गुड टचचे शिक्षण देण्याची गरज आहे. मुलींना सेल्फ डिफेंस प्रशिक्षण देण्याचा शिवसेनेचा मानस आहे. मुलींना वावरताना त्यांना येणाऱ्या अडचणी सोडवण्यासाठी सॅनिटरी वेडिंग मशिन, पोषण आहाराकडे लक्ष दिले जाईल. मुंबई महानगरपालिकेच्या माध्यमातून हे काम सुरु आहे.’

‘ग्रामीण भागात डिजिटल शाळा उभारण्यावर भर असून शिवसेनेचे सरकार आल्यावर प्रत्येक विद्यार्थ्यांला टॅब दिला जाईल,’ असे उत्तर विकी मगदूम यांच्या प्रश्नांवर त्यांनी दिले. ‘पंचगंगा प्रदूषणाचा प्रश्न गंभीर असून तो सोडवण्यासाठी ज्या ठिकाणी नाले नदीत मिसळतात, त्या ठिकाणी एसटीपी प्लँट उभारले जातील. पर्यावरणमंत्री रामदास कदम यांनी त्यासाठी काम सुरू केले आहे. मुंबई हायकोर्टाचे खंडपीठ कोल्हापूरात स्थापन करण्यासंदर्भातील प्रश्न लवकरच सोडवला जाईल, असे आश्वासनही फातिमा मुल्लाचा प्रश्नांवर त्यांनी दिले. गल्लीचा विचार न करता देशाचा विचार करुन मतदान करा. मजबूर सरकाराऐवजी मजबूत सरकार निवडून द्या’ असे आवाहन केले.

यावेळी ऋषीकेश गुजर, पवन जाधव, हर्षल सुर्वे, मंजीत माने, विरेंद्र मंडलिक, ऋतुराज क्षीरसागर यांच्यासह युवा सेनेचे पदाधिकारी, कार्यकर्ते मोठ्या संख्येने उपस्थित होते.

LEAVE A REPLY

Please enter your comment!
Please enter your name here