ठाण्यात आंबे विक्रीवरुन मनसे-भाजपमधील वाद सुरुच, परप्रांतीय आंबे विक्रेत्याच्या स्टॉलवर मनसेचा आक्षेप

0

 

ठाणे : ठाण्यात आंबे विक्रीवरुन मनसे आणि भाजपमधील वाद सुरुच आहे. महापालिकेनं मनसेला आंबे विक्रीसाठी परवानगी नाकारल्यानं मनसेनं स्वत:हून स्टॉल हटवला. त्यानंतर त्या जागेच्या 20 मीटर अंतरावरील परप्रांतीय आंबे विक्रेत्याच्या स्टॉलवर मनसेचे ठाणे जिल्हाध्यक्ष अविनाश जाधव यांनी आक्षेप घेतला आणि त्याला हुसकावूनही लावलं.

मराठी आंबेविक्रेते भाजपला चालत नाहीत. मात्र, परप्रांतीय विकत असलेले सडलेले आंबे चालतात. मराठी शेतकऱ्यांनी हप्ता देण्यास नकार दिल्यानं भाजपने महिलेला कारवाई करण्यास भाग पाडल्याचा आरोप अविनाश जाधव यांनी केला आहे.

आंबे विक्री वादावरुन मनसेने मुख्यमंत्र्यांवरही निशाणा साधला. मुख्यमंत्र्यांच्या आदेशानेच ही कारवाई करण्यात आल्याचा आरोप अविनाश जाधवांनी केला. त्यामुळे सरकारच्या शेतकरीविरोधी धोरणाचा निषेध म्हणून मनसे 17 मे रोजी मोर्चा काढणार आहेत. या मोर्चात मनसे अध्यक्ष राज ठाकरेही सहभागी होण्याची शक्यता आहे. या मोर्चामध्ये आंबा विक्रेते, समृद्धी महामार्गातील अन्याय झालेले शेतकरी सहभागी होणार आहेत.

LEAVE A REPLY

Please enter your comment!
Please enter your name here