मालिकेतील आघाडी वाढवण्याचा भारताचा प्रयत्न

0

 

नागपूर : महेंद्रसिंग धोनी आणि केदार जाधवच्या शतकी भागीदारीच्या जोरावर टीम इंडियाने हैदराबादच्या पहिल्या वन डेत ऑस्ट्रेलियाला सहा विकेट्सनी धूळ चारली. हैदराबादमधल्या त्या दमदार विजयानंतर विराट कोहली आणि त्याचे शिलेदार मालिकेतल्या दुसऱ्या वन डेसाठी सज्ज झाले आहेत. भारत आणि ऑस्ट्रेलिया संघांमधला दुसरा वन डे सामना आज नागपूरच्या नव्या व्हीसीए स्टेडियमवर खेळवण्यात येणार आहे.

इंग्लंडमध्ये होणाऱ्या आगामी विश्वचषकाआधीची टीम इंडियाची ही शेवटची वन डे मालिका आहे. त्यामुळे साहाजिकच टीम इंडियाच्या शिलेदारांच्या कामगिरीकडे भारतीय निवडसमितीचं लक्ष लागून राहिलं आहे.

हैदराबादच्या वन डे विजयाचा शिल्पकार आणि टीम इंडियाचा माजी कर्णधार महेंद्रसिंग धोनी सध्या जबरदस्त फॉर्मात आहे. विश्वचषकाच्या पार्श्वभूमीवर धोनीचा परतलेला फॉर्म ही टीम इंडियासाठी जमेची बाजू आहे. धोनीने 2019 या वर्षात ऑस्ट्रेलियाविरुद्ध खेळलेल्या चारही वन डेत अर्धशतकं झळकावली आहेत.

LEAVE A REPLY

Please enter your comment!
Please enter your name here