आचारसंहितेच्या पार्श्वभूमीवर हॉटेल, बार, परमीट रुम राहणार रात्री साडेदहा वाजेपर्यंतच सुरू

0

कोल्हापूर (प्रतिनिधी) :

लोकसभा निवडणूकीतील आचारसंहितेची कडक अमंलबजावणी करण्यासाठी कोल्हापूर जिल्ह्यातील हॉटेल, रेस्टॉरंट, बार, परमिट रुम, दारू दुकाने रात्री साडेदहा वाजता बंद करण्याचा आदेश जिल्हाधिकारी दौलत देसाई यांनी काढला आहे. शनिवारपासून याची अंमलबजावणी सुरू करण्याचे आदेश जिल्हाधिकाऱ्यांनी दिले आहेत. हा निर्णय २४ एप्रिलपर्यंत लागू असेल.

लोकसभा निवडणूक निर्भय व मुक्त वातावरणात पार पाडण्यााठी आदर्श आचारसंहिता अंमलात आणली जात आहे. आचारसंहितेची अंमलबजावणी करताना जिल्ह्यातील हॉटेल, रेस्टारंट, बार, परमिट रुम, दारू दुकानांच्या आस्थापना नियमांचा अडथळा येत आहे. नियम डावलून रात्री उशिरापर्यंत हॉटेल व मद्य विक्रीची दुकाने सुरू असतात. या पार्श्वभूमीवर जिल्हाधिकाऱ्यांनी हॉटेल, बार, परमिट रुम, देशी दारू दुकाने रात्री साडेदहा वाजल्यानंतर बंद ठेवण्याचा आदेश काढला. आदेशाचे उल्लंघन करणाऱ्या व्यक्तींवर फौजदारी गुन्हे दाखल करण्याचे आदेश दिले आहेत. लोकसभेसाठी २३ एप्रिल रोजी मतदान होणार असून मतदानाच्या दुसऱ्या दिवसापर्यंत हा निर्णय लागू राहिल.

LEAVE A REPLY

Please enter your comment!
Please enter your name here